Sl notes site

එන්ජිමේ ක්‍රියාකාරිත්වයට අවශ්‍ය පද්ධති

ඉන්ධන සැපයුම් පද්ධතිය (Fuel Supply System)

මෝටර් රථය ගමන් ගන්නා මාර්ගයේ ස්වාභාවය,රැකගෙන යන භාරයේ විශාලත්වය සහ අවශ්‍ය ධාවන වේගය අනුව එන්ජිමෙන් නිපදවිය යුතු ජවයේ විශාලත්වයද එකිනෙකට වෙනස් විය යුතුය

එන්ජිමෙන් නිපදවිය යුතු ජවයේ විශාලත්වයද එකිනෙකට වෙනස් විය යුතුය.එන්ජිමෙන් නිපදවෙන ජව ප්‍රමාණය ඊට සපයනු ලබන ඉන්ධන ප්‍රමාණය අනුව පාලනය කෙරේ.

ඒ අනුව අවශ්‍යතාවය පරිදි නිවැරදි ඉන්ධන ප්‍රමාණයේ එන්ජිම තුළට ලබා දීම සඳහා ඉන්ධන සැපයුම් පද්ධතිය යොදා ගැනෙයි.

ජ්වලන පද්ධතිය (Ignition System)

පෙට්‍රල් ඉන්ධනයෙන් ක්‍රියාකරන එන්ජිම තුළ ඉන්ධන දහන ක්‍රියාවලිය ආරම්භ කිරීම සඳහා උපකාරවන පද්ධතිය ලෙස හැඳින්වෙයි.

සිසිලන පද්ධතිය (Cooling System)

ඉන්ධන දහනයේදී නිපදවෙන අධික තාපයෙන් එන්ජිම ආරක්ෂා කරගැනීම සඳහාද එන්ජිම උපරිම කාර්යක්ෂමතාවයෙන් යුතුව ක්‍රියා කිරීම සඳහා ද එන්ජිම් ක්‍රියාකාරි උෂ්ණත්වය ප්‍රශස්ත මට්ටමක තබාගත යුතුයි.

ස්නේහක පද්ධතිය (Lubrication System)

එන්ජිමත් එකිනෙක ස්පර්ශව පවත්නා චලනය වන පෘෂ්ඨ රාශයකින් සමන්විත වෙයි

එන්ජිම ක්‍රියාකාරී වන විට එම පෘෂ්ඨ අතර ඇති වන ඝර්ෂණ බල, එන්ජිමෙන් උපරිම ජවයන් ලබා ගැනීමට බාධාවක් වෙයි

මෙම ඝර්ෂණ බල අවම ෆ්කර ගැනීම සඳහා එම මුහුණත් ස්නේහනය කළ යුතු අතර, එම කාර්යය ඉටු කර ගැනීම සඳහා ස්නේහන පද්ධතියක් උපයෝගී කර ගැනේ.

රෝධක (තිරිංග) පද්ධතිය – Breaking System

ධවනය වන මෝටර් රථයක වේගය බාල කිරීමද්, අවශ්‍ය විටෙක නැවැත්වීම ද නවතා ඇති මෝටර් රථයන් චලනය වනොවන සේ ආරක්ෂා සහිතව පවත්වා ගැනීමටද නැවතුම් තිරිංග (Parking Brake) යෙදීම සඳහා ද රෝධක පද්ධතිය මඟින් සිදු කෙරෙයි.

වීදුලි පද්ධතිය (Electrical System)

එන්ජිම පණ ගැන්වීම, විදුලි පහන් දැල්වීම, වා මුව පිස්නා ක්‍රියාත්මක කිරීම, මාර්ග භාවිත කරන අන් අයව විවිධ සංඥා නිකුත් කිරීම යනාදී නොයෙක් ක්‍රියාකරම් සඳහා විදුලිය භාවිතයෙන් ක්‍රියාත්මක වන උපකරණ රැසක් මෝටර් රථවල අන්තර්ගත කර ඇත.ඒවාට අවශ්‍ය විදුලිය සැපයීම සඳහා විදුලි පද්ධතිය යොදා ගැනේ.

සුක්කානම් පද්ධතිය (Steering System)

මෝටර් රථය ක්‍රියාකරවන්නා විසින් අවශ්‍ය විටෙක එය ගමන් කරනු ලබන දිශාව වමට හෝ දකුණට හරවා වෙනස් කිරීම සඳහා සුක්කානම් පද්ධතියක් යොදා ගනු ලැබේ.

අවලම්භන පද්ධතිය (Suspension System)

මාර්ගයේ ඇති විෂමතා නිසා ඇතිවන ගැස්සීම් හා වාහනය ත්වරණය වන විට වේගය බාල වන විට සහ හැරවීමේ දී ඇති වන අසමතුලිත බල හේතුවෙන් මගීන්ට ඇති වන අපහසුතා අවම කිරීම සඳහා අවලම්භන පද්ධතිය භාවිත කෙරේ.

සැකිල්ල (Frame)

මෝටර් රථයක බඳෙහි (Body) සහ චැසියෙහි (Chassis) එකතුව සැකිල්ල ලෙස හඳුන්වනු ලැබේ.එහි ඉහත කී සියලු පද්ධති අන්‍යෝන්‍ය ලෙස සම්බන්ධ කර ඇත.

ගමන් කරනු ලබන මගින්ගේ ආරක්ෂාව සහ සුවපහසුව සැපයීමද සැකිල්ල මගින් සලසනු ලබන තවත් මෝටර් රථයක අන්තර්ගත කර ඇත